Мәжіліс депутаты Асхат Аймағамбетов Денсаулық сақтау министрлігінің онкологиялық ауруларды емдеуге бюджетті қысқарту жөніндегі бұйрығын сынға алды.

 

"Онкологиялық ауруларды емдеуге бюджеттен бөлінетін ақша Денсаулық сақтау министрінің бұйрығымен орташа есеппен 20%-ға қысқартылды. Бұйрық 2024 жылғы 11 маусымнан бастап күшіне енгізіледі. Іс жүзінде, бұйрық ешбір талқылаусыз жабық түрде жеткілікті зерттеулер мен барабар есептеулер жүргізілместен қабылданып, қаражат көлемі қысқартылды. Бұл бұйрықтан кім зардап шегеді? Қанша адамның өмірі мен тағдыры? Бұл шешімге шенеуніктердің мүдірген және үстірт ақпаратынан басқа қандай ғылыми негіз бар? Қалайша осындай маңызды шешімдер бір қол қоюмен, жан-жақты зерттеусіз қабылданып отыр? Сұрақ жеген жетеді", - деп жазды Аймағамбетов өзінің Telegram-арнасында.

 

Оның айтуынша, ауру айтып келмейді және кім болсын ауруға шалдығуы мүмкін екенін есте сақтаған жөн.

 

"Бұл салада проблемалар жетіп артылады. Бірақ соңғы жылдары үміт оты ғана емес, нақты оң өзгерістер орын алды. Президент К. К. Тоқаевтың арқасында қаржыландыру ұлғайтылып, онкоклиникалар кредиторлық берешектен шықты, өткен жылы кешенді жоспар бекітілді, қажетті препараттар тізбесі кеңейтілді, жабдық сатып алына бастады... Ал қазір министрлік ақыл-ойға қайшы келетін шешім қабылдап отыр. Осы ауруға тап болғандар бұны жақсы түсінеді", - деп қосты депутат.

 

Ол 10 маусым күні Әлеуметтік-мәдени даму комитетінің кеңейтілген отырысында әріптестерімен бірге аталған тақырып бойынша сұрақ қоюды жоспарлап отырғанын айтты.

 

"Министрлікте жауап пен зерттеу нәтижелері бар деп үміттенемін. Бізге осы сұрақтарды қойып, хабарласып жатқан онколог дәрігерлер, науқастар, белсенділер мен сарапшылар қателеседі деп үміттенемін", - деді Аймағамбетов.

Дереккөз: КазТАГ