Қазақстан президенті Қасым-Жомарт Тоқаев жасөспірімдерге энергетикалық сусындарды сатуға тыйым салатын заңға қол қойды, деп хабарлайды etozhez Ақордаға сілтеме жасап.
"Қазақстан Республикасының кейбір заңнамалық актілеріне ойын бизнесі, лотерея қызметі, денсаулық сақтау және басқа да мәселелер бойынша өзгерістер мен толықтырулар енгізу туралы" Заңға сәйкес энергетикалық сусындарды 21 жасқа толмаған адамдарға сатуға болмайды. Тыйым құрамында кофеин, таурин, гуарана және басқа да сергітетін заттар бар алкогольсіз және әлсіз алкогольді сусындарға қолданылады.
Айта кетері, Заң ресми жарияланғаннан кейін алпыс күннен кейін күшіне енеді.
Мақала тегтері
