Елімізде барлық смартфондар тексеріліп, қара, сұр және ақ сияқты үш тізімге бөлінеді. Цифрлық даму министрлігі осындай бұйрық шығарды.

 

Операторлар IMEI кодтарын тексеруі керек, яғни құрылғының жалған емес екеніне немесе ұрланбағанына көз жеткізуі керек. Егер смартфон тексерілсе, ол ақ тізімге енеді.

 

Сұр тізім - жүйеде деректері жоқ, 30 күн ішінде сәйкестендіру керек құрылғы, әйтпесе ол желіден ажыратылады.

 

Бұғатталуға жататын IMEI-коды жалған құрылғылар қара тізімге енеді.

 

Жаңа ережелер 24 наурыздан бастап енгізіледі. Осы күнге дейін елге әкелінген телефондар автоматты түрде ақ тізімге енгізіледі.

 

Ұялы байланыс операторлары пайдаланушыларды IMEI-код қай тізімге кіретіні туралы хабардар етуі керек. Тексеру үшін арнайы портал іске қосылады. Билік бұл телефондардың бағасына әсер етпейді дейді.