Ғалымдар мен киіктер жөніндегі сарапшылар елдегі киіктердің санын реттеу мәселесін зерттеп жатыр, деп хабарлайды Kazinform.kz.

 

Экология министрлігі реттеу мүмкіндіктері бойынша мамандармен кездесу өткізілгенін айтты. Қандай да бір шара қолданбас бұрын ғылыми зерттеулер жүргізу қажет.

 

Шешім биыл қабылданады. Министрлік басшысы Ерлан Нысанбаевқа киіктердің популяциясы қалай бақыланбақ деген сұрақ қойылды.

 

"Әдеттегідей. Егер киік санын реттейтін болсақ, онда тұзақ құрып қоямыз. Екіншісі тәсілі - ату. Ал басқаша қалай? Бірақ әзірге ғылым қарастырып жатыр", - деді министр.

 

Орман шаруашылығы аумақтық инспекциясы бөлімінің мәліметінше, елімізде 4 миллион бас киік бар, оның 3 мыңға жуығы Ұлытау облысын мекен етеді.