Тұрғындар түсіне байланысты "кока-кола" деп атап кеткен жағымсыз иісі бар лай су жезқазғандықтар үшін проблема болып қала беруде.

 

Редакциямызға Аманжолов көшесі, 13 мекенжайында тұратын оқырманымыз краннан ағып жатқан "суды" түсіріп алған бейнежазба келіп түсті. Оның сөзіне қарағанда, бұл жағдайдың жалғасып жатқанына бір апта болған.

 

"Кейде су қап-қара, кейде қызғылт сары, кейде сары түсті. Кешеге дейін су қызғылт сары болды. Мен бұған назар аудармадым, себебі Жезқазғанда су лай. Біз әдетте Жезді ауылына барып, сол жерде шомыламыз. Балалар да ауылда шомылады", - дейді бейне авторы.

 

22 сәуірде біз тұрғындардың судың түсі сары деген көптеген шағымдары келіп түскеніне байланысты ЖСЖК-ға хабарласқан болатынбыз. Сол кезде бізге ауыз судың түсі мен иісі туралы ақпарат шындыққа жанаспайды деп жауап берді.

 

"ЖСЖК балансында шаруашылық ауыз су тазарту құрылыстары бар, онда су химиялық және биологиялық тазартуға ұшырайды және аттестатталған зертхана жүргізетін су сапасын бақылаудан өтіп, кейін тұтынушыларға су құбыры арқылы беріледі. Сондай-ақ, өндірістік бақылау аясында тәуелсіз зертханамен шарт жасалады. Тазартудың толық кезеңінен өткеннен кейін су санитарлық-эпидемиологиялық талаптардың стандарттарына сәйкес келеді және ауыз су деген сертификатты алады", - деді сонда ЖСЖК-да

 

Сізде де краннан аққан су лай ма? Мекенжайларды жаза кетсеңіз