Мәжіліс депутаттары екінші оқылымда Салық кодексіне түзетулер қабылдады. Әуел баста ұсынылған мөлшерлеме 16%-ға дейін төмендеді, қосылған құн салығы бойынша есепке қою шегі - 40 млн теңгені құрады.

 

Сондай-ақ, дәрі-дәрмек пен медициналық қызметтерге салынатын қосылған құн салығының мөлшерлемесі 2026 жылдан бастап 5%-ды, ал 2027 жылдан бастап 10%-ды құрайды.

 

Тегін медициналық көмек пен міндетті әлеуметтік медициналық сақтандырудың кепіл берілген көлеміне кіретін тауарлар мен қызметтер; әлеуметтік маңызы бар азық-түлік тауарлары, отандық кітаптар мен оларды басып шығару қосылған құн салығынан босатылады.

 

Алкоголь, темекі мен энергетик сусындарға салынатын акциз артады.