Советбек Медебаев, Серік Шайдаров және Аманжол Алтай облысқа жұмыс сапарымен келді, деп хабарлайды etozhez.

 

"Депутаттар "ЖСЖК" АҚ инженерлік құрамымен кездесті. Қызметкерлерді кәсіпорынның жұмыс істеу мәселелері ғана емес, жалпы қалалық мәселелер де алаңдатты", – делінген хабарда.

 

Депутаттар ЖСЖК қызметкерлеріне не деп жауап бергені және оларды қандай тақырыптар толғандырғаны - әкімдіктің баспасөз қызметінің хабарында айтылмаған.

 

Сонымен қатар, депуттар мен сенаторларға Жезқазған қаласының шаруашылық-ауыз су тазарту құрылыстарын қайта жаңарту жобасы, Жезқазғанның жаңа Батыс ауданына магистральдық жылу желісін салу және Үйтас-Айдос су құбырын салу жобасы көрсетілді.

 

Естеріңізге сала кетейік, жаңа су құбыры диаметрі 800 мм және ұзындығы 51 км полиэтилен құбырларынан жасалады. Оны 2024 жылдың қазан айында аяқтау жоспарланған.

 

Сәтбаевта депутаттар Есқұла су құбырының құрылысымен және №1 жылу станциясының жаңа жылыту маусымына дайындығымен танысты.

 

Айта кетері, мәслихат депутаттары мен Қоғамдық кеңес мүшелері өңірдегі жағдай мен халықты толғандыратын мәселелер туралы айтып берді.