Тұрғындар бұдан былай офтальмологиялық қызметтерді зейнетақы жинағы есебінен төлеуге enpf-otbasy.kz-ке өтінім бере алмайды. Алайда, 4 желтоқсанға дейін берілген барлық өтініштер қаралады.

Бұрын елде тіс емдеу үшін зейнетақы жинағын пайдалануға тыйым салынған еді, содан кейін офтальмологиялық қызмет алуға жүгіну саны айтарлықтай өсті. Шектеулер зейнетақы жинақтарын заңсыз шығаруға байланысты енгізіліп отыр. "Отбасы банкінің" қызметкерлері бір офтальмологиялық клиникамен шарт жасасқан түрлі клиенттерден өтінімдер келіп түскен бірқатар күдікті жағдайларды байқады. Алайда құжаттарда әр түрлі қалалардағы медициналық мекеменің әр түрлі мекенжайлары көрсетілген. Жүргізілген тексеріс көрсетілген мекенжайлар бойынша мұндай клиниканың жоқ екенін көрсетті.