Отбасы Банкі зейнетақы жинағын емделу үшін, оның ішінде тіс емдетуге пайдалануды қалпына келтіру бойынша жұмыс жүргізіп жатыр, деп хабарлайды Басқарма төрағасы Ләззат Ибрагимова.

"Зейнетақы жинақтарын мақсатына сай пайдаланбаған халықтың 10%-ның кесірінен салымшылардың 90%-ы бұл функциядан айырылып қалды. Бұл әділетсіз деп ойлаймын", - деді Банк басшысы.

Оның сөзіне қарағанда, процесті 2026 жылдың соңына дейін біріздендіру бойынша жұмыстар жүргізіліп жатыр. Жүйеде қызмет көрсететін клиникалар, ал орындалған жұмыстардың актілері онлайн-форматта ресімделетін болады. Алайда бағдарламаны қайта бастау туралы түпкілікті шешімді Денсаулық сақтау министрлігі қабылдайды.

Бұған дейін елімізде зейнетақы жинақтарын заңсыз қолма-қол ақшаға айналдыру фактілеріне байланысты емделу үшін зейнетақы жинақтарын алуға өтінімдерді қабылдау тоқтатылған болатын.