Ұлытау облысының Қаражал қаласында "Горняк" стадионын реконструкциялау әлі аяқталған жоқ, нысанда Парламент Мәжілісінің депутаты Аманжол Әлтай болып қайтты, деп хабарлайды etozhez 24kz-ке сілтеме жасап.

Жоба сонау 2021 жылы басталды. Қазан айында пайдалануға берілуі керек жабық бассейннің тек жартысы салынған.

"Жабық бассейн жобасы түзетілді. Қаражат бөлінді. Бірақ жұмыс нашар орындалуда. Яғни, мердігер өз міндеттемелерін нашар орындап жатыр деген сөз. Жалпы, құрылысшылардың құрылыс мерзімін кешіктіріп, содан кейін түзету арқылы қаржыландыруды арттырып жататын әдет жиі кездеседі. Бұл жаман үрдіс. Мұндай манипуляцияларға тыйым салу керек деп санаймын", - деді мәжілісмен.

Айта кетері, екі жоба да "Amanat" партиясының "Халықпен бірге" бағдарламасына енгізілген. Белгілі болғандай, олар қоғам белсенділері мен биліктің бақылауында.