Оқу ағарту министрлігі Кәмелетке толмағандардың әл-ауқаты индексін қорытындылау аясында балалар, ата-аналар мен мұғалімдер арасында әлеуметтік сауалнама жүргізді.

 

Ведомствоның мәліметінше, жасөспірімдердің 90,4%-ы ата-аналарына сенеді және олармен өз мәселелерін ашық талқылай алады. Еліміз бойынша ең жоғары көрсеткіш Ұлытау облысында (97,5%) тіркелді. Екінші және үшінші орынға Астана (95,3%) мен Қостанай облысы (94,7%) жайғасқан.

 

Сонымен қатар, сауалнама жасөспірімдердің өміріне риза екенін көрсетті: сауалнамаға қатысқандар 10-18 жастағылардың 85%-ның психикалық және әлеуметтік жағдайы жақсы.

 

Балалардың 90,3%-ы өз құқықтарын біледі. Көшбасшылар үштігінде Қостанай (94,5%), Маңғыстау (93,5%) және Қызылорда (93,1%) облыстары бар.

 

2024 жылдың қорытындысы бойынша жастардың әл-ауқат индексі 2,5 тармаққа өсіп, 58,6 балды құрады.

 

Алайда министрліктің мақаласында респонденттердің жалпы саны көрсетілмеген.