Өңірде Қазақстандағы алғашқы "Smart Point" цифрлық халыққа қызмет көрсету орталығы іске қосылды. Бұл цифрлық сервистерді дамытуға, сондай-ақ азаматтардың өз бетінше қызмет алуына бағытталған мемлекеттік қызметтерді алудың жаңа форматы.

"Smart Point" заманауи отандық сервистік хабқа айнала отырып, әлемдік озық тәжірибелерді, соның ішінде Apple Store ашық архитектурасының принциптерін негізге ала отырып, дәстүрлі әкімшілік кеңістіктен алшақтайды.

Ұлытау облысының әкімі және "Азаматтарға арналған үкімет" мемлекеттік корпорациясының Басқарма төрағасы Арман Кенжеғалиев облыс әкімдігі мен Мемлекеттік корпорацияның бірлескен экожүйесі базасында "Smart Point" цифрлық кеңсесінің ашылуына қатысты.

"Бүгінгі таңда мемлекеттік қызметтердің халық үшін барынша қолжетімділігі мен ыңғайлылығын қамтамасыз ету басты міндеттердің бірі. Енді тұрғындар түрлі қызметтерді бір жерден, кезексіз және заманауи форматта ала алады. Бұл уақытты үнемдеуге мүмкіндік береді. Ең бастысы, азаматтарға енді қызметтерге ақы төлеу үшін әртүрлі мекемелер мен банк бөлімшелеріне барудың қажеті жоқ. Барлық сервистер бір кеңістікте қолжетімді болады. Ұлытау облысы елімізде бірінші болып осындай форматтағы жобаны жүзеге асырғаны - біз үшін үлкен жетістік және өңірдің цифрлық трансформацияға дайындығын айғақтайды", - деп атап өтті өңір басшысы Дастан Рыспеков.

Жаңа "Smart Point" халыққа қызмет көрсету орталығы - бұл өңір тұрғындары мемлекеттік қызметтерді өз бетінше ала алатын, күрделі мәселелер бойынша мамандардан кеңес ала алатын, құжаттарды цифрлап, жібере алатын кеңістік. Жоба жаңа буынның инновациялық кеңістігі болып табылады.

Бұдан басқа, орталық күту уақытын қысқартуға, қызметтерді алудың ыңғайлылығы мен сапасын арттыруға, сондай-ақ мемлекеттің цифрлық мүмкіндіктерін қазақстандықтар үшін әлдеқайда қолжетімді етуге мүмкіндік береді.

Орталық бірнеше функционалды аймақтарды қамтиды, олардың әрқайсысы пайдаланушылардың қажеттіліктерін ескере отырып жасалған.
Экспресс-аймақ мемлекеттік қызметтерді өз бетінше алу мүмкіндігі бар және құжаттарды мессенджерлер мен басқа да цифрлық байланыс арналары арқылы жедел жіберуге мүмкіндік беретін терминалдармен жабдықталған.
Цифрлық аймақ сымсыз зарядтау станцияларымен және жоғары жылдамдықты сканерлермен жабдықталған, соның арқасында келушілер қажетті құжаттарды тез цифрлап, оларды мемлекеттік ақпараттық жүйелерге жүктей алады.
Сараптама аймағы мамандардың сүйемелдеуімен күрделі мемлекеттік қызметтерді алуға арналған.
Интерактивті экранды және демалуға және оқуға ыңғайлы кеңістікті қамтитын цифрлық сауатты ашу аймағына ерекше назар аударылады. Мұнда тұрғындар өздерінің цифрлық дағдыларын тегін жетілдіре алады, жаңа электрондық сервистерді меңгере алады және цифрлық мемлекеттің мүмкіндіктерін пайдалана алады.


Жоба халықтың цифрлық сауатын арттыруға, өзіне-өзі қызмет көрсету мәдениетін дамытуға және мемлекеттік қызметтер көрсетудің жаңа сапалы деңгейін қалыптастыруға бағытталған. Сонымен қатар, "Smart Point" Қазақстан азаматтары мен мемлекеттік органдар арасындағы өзара іс-қимылды жеңілдетуге, сондай-ақ өңірдің цифрлық трансформациясын жеделдетуге көмектеседі.