"Ulytau Gold Processing" ЖШС "Ашықтас" кен орнында құны 11,2 млрд теңгені құрайтын инвестициялық жобаны іске асырып жатыр.

"Ашықтас" кен орны – алтын-күміс кеніші. Жобаны жүзеге асырып жатқан - кен өндіру мен өңдеуді (шамамен 3,5 млн тонна) жоспарлап отырған Ulytau Gold Processing компаниясы. Dprom.kz сайтының ақпаратына сәйкес жыл сайын 1,78 тоннаға дейін алтын шығарылмақ.

Өткен жылдың қазан айынан бері инвестор рұқсат құжаттарын алу кезінде қиындықтарға тап болды. Компанияға санитарлық-қорғау аймағының болмауына байланысты ұңғымаға санитарлық-эпидемиологиялық қорытынды берілмеген.

Инвестор қажетті құжаттарды алды, бұл 700-ге жуық қызметкері бар кәсіпорынды ауыз сумен қамтамасыз етуге мүмкіндік берді.